Niga Imang akki watangkale ta, iga to ma'mun na???

Assalamu Alaikum wr wb

Haqiqi'na sininna rufa taue rijajiang i sibawa dua watang kale, alusu na watangkale ri aseng i nyawa, Kassara na watangkale e riaseng Batang kale.

Rilaleng na Paddisengeng na panrita Ogi selleng e, ritellai Tubu halusu ((rohani)) iyanaro riaseng Nyawa, roh, bateng. Maddibola ri jasmani e iyya manessa e naita mata.

Riaseng i rufa tau e Tuo narekko de fa nassarang watakkale alusu e na kassara.e...

Pattashawwuf ogi rioloe,engka makkeda dua unsur ri rampe e ri yase'... Seddi mancaji imang seddi mancaji ma'mun...

Nyawa e mancaji imang na watangkale e... Narekko laing i kedo-kedo ((elo na)) na nyawae na aga naccoeri tubu kassara e.. Ri aseng i tau munafeq.

Makkedai ati marilaleng e Aja maggau sala, naikia maggau de nasipato contona lima e, matae.. Bettuang na pusai watangkale mannesaae karena de naturusi imang na... Masolang i Kedo-kedo na... Kontak i bahasa makkokoe na...

Na makkeda tofi keyaqinan na tau riolo malamung e pahang agama asellengengna, ero nyawae maddibolae pusat na akki ati marilaleng e, de nengka nabberekada belle, de nengka namacarefa kedo na ((keadaan na))..

Jaji fitra na ero nyawa e mafaccing siterru-terru na, aga mi namega tau kedo salah nasaba takkalufai mengkalingai Parenta na imang na yanaritu rohani na ((nurani na))..

Iyya na naengka warekkada pole ri pattashawwuf ogie makkeda aja musappai elo na puang Allah ta'ala ri saliweng reppa mu...

Bettuanna ada, engkalingai madeceng Suara macinnong na rohani e ri ati ta maneng... Nasaba iyya natu de nengka napuada ada belle... Tongemg siterru terruna sibettu sibawa Paseng apatiroang na puang sewwa e iyya pancajiengki engka tuo ri lebo na lino...

Jaji, Sappa i imang na ((ponggawa na)) watangkaleta... Na de nariulle simata sihubungeng sibawa puang mappacanjie narekko de namapaccing watang kale halusu ta...

Iyya tona Pokok tang na toriolo ta, Massiddi nai ada tongeng e sibawa pattung ka na ri sininna Kedo2 rohani dan jasmani selama atuwongengta...

Iyya naro Laleng asalamakeng tuo ri lebo na lino na ahera matti insya Allah...

Makkedani tau riolota sisebbu ada seddi pakkaukeng, pakkaukeng e mappanessa... Bettuanna pangkaukenna Tubu alusu e sittemmu tubu kassara e... Imang e sibawa ma'mung e sipato nai sikenna, sibettu, sibalole kedo na....

Millau addampeng ka ko engka tappasala, lebbi togi kurang togi... Lao ni mai nato magguru sibawa sappo...q maneng..

Bersambung....

Wallahu a'lam bisshawab

Wassalam.