Macca ni ga Massyahadat tongeng2 lao ripuang Allah ta'ala???

Assalamu Alaikum wr wb

Parellu ri pahang Aga lise na syahadat ta messu mita tajang na lino.

Syahadat bettuanna itentuang ni alewe Sebagai ata pole ri puang Allah ta'ala, bettuang na ada, De gaga rilainnae puang Allah ta'ala Yonroi Mappaka atang i alewe, Agi agi nassuroang puang Allah ta'ala sebagai ata meki, harusu iturusi elo na puang Allah ta'ala, ipaddioloi elo na puang e, jaji narekko simata elota mufa tuli melo yakkacoeri, marusai syahadat ta.

Narekko riajepui ni puang Allah ta'ala yonroi mancaji ata, aga na de na gaga laing e yonroi mangillau narekko engka keperluanta. Puang Allah ta'ala bawang nonroi sininna Paggattung na Sifa mamala ta lao ri Yamaneng na Anu ri harapkan e, anu ri ammenasai e papole ri ati ta...

Na banna mi puang Allah ta'ala simata Anu amadecengetta mi tu bawang simata naeloreng ri puminasa. Nasaba sifa maserro akkamase na lao ri idi, jaji narekko ripahang ni seddi e sifa, pakkauekeng, etto ati, ette lila makkasolang paggangkanna, Narekko purani riajeppui syahada ta, majeppu sibole-bole ta niniriwi Iya maneng ro makkasolang e.

Syahadat Ta Majeppui seddi puang yonroi Mamala, maddenuang nesseri ki pedecengi Paringerrang ta lao ri Asewwangengna puang Allah ta'ala matoro i sininna aga2 e...

Narimakkuannaro, agi2 anu napatujungengki puang Allah ta'ala nesseriki tettuang madeceng i, makkeda pasti makanja addimonri na, namo ni nita mata, nengkalinga doccili maja lahereng na, tapi haqiqi na Iyyanaro napurio puang Allah ta'ala laleng sitinaja ripolangeng ki, bara simata makanja paringerrang ta lao ri alena.

De siseng-siseng wedding na makafang maja, ri yamanenna Aga pura napusitotoreng ki puang Allah ta'ala, maja madeceng penilaianna nafsu ta/cinnata, Tettuang masse i makkeda de na mungkin puang Allah ta'ala narekko nagau bawang i atanna...

Nennia, narekko Majai tasedding keadaan tujuki, Wajib ritettuang makkeda idi mi tu salah pile laleng, salah kedo, salah pau, salah sifa... Sibole na lesu ki pikkiriki madeceng Ammulangenna Kajajiang Na Aga fura rijama, detto ga pelanggaran rilaleng na...

De i gaga puang Allah ta'ala neloreng atanna maja addimonri na toto na, narekko simata engka mokki maccoeri adanna, parentan, pappesangkana...

Massyahada' parellu ri renungkan tongeng, Makkeda engka ni mancaji sabbi na puang Allah ta'ala tuwo ri lebo na linoe, sabbi wi Sifa maraja akkamase na, sabbi wi pappenyameng na, sabbi i tongenna sininna apatiroang na lao ri Lapong rufa tau, Atanna mabbakkelekeng i alena piarai, tungkai Adecengenna allaperengna Urusan na Lino lollong lise...

Tania syahada ri rekeng syahadat tongeng2 narekko, de'fa nawedding ki yala sbg saksi tongeng2 aga pura naputuskan puang Allah ta'ala ri allaringengna anu ripancajinna yamaneng, lettu esso rimonri...

Maccaji saksi pennoi alewe appakatuna ale lao ripadatta ripancaji, mancaji suro2 baiccu na puang e ri lebo na lino passama i Akkamase na, nennia araja kuasang na puang  Allah ta'ala mallebbang lao ri yamaneng na alang e...

Teng' riulle pikkiriki maneng iyyewe atuwong2e, teng riulle turu maneng ni, teng riulle misseng maneng i aga pura Naoki puang Allah ta'ala ri kallang e, mappekogai Rioloi atuwong ta maraja mappalisu tunru lao ri ketentuang aga pura nataro puang Allah ta'ala, na de ki gaga mulle sulle2i aturanna puang Allah ta'ala...

Malampe bicaranna Syahadat ta lao ri puang sewwa e, puang Allah ta'ala..

Engka sumpung na bicara e....

Wassalam...