A engkaniga mancaji Ata tongeng2 lao ri puang Allah ta'ala???

Assalamu Alaikum wr wb

Parellu ripahang silessureng selleng ku, sempo ogiku, makkeda Riwettu ripahang na na alewe tau ripancaji pole ri puang Allah ta'ala makkebangsa Rufa tau ((الناس)), Massifa rufatau, mabberekkada rufatau, maggau rufatau, Aga maladde ni tu parellu ri penre cedde Pahang pappijeppu ta Lao Ri puang Allah ta'ala, makkeda Naiya idi ATA'NA KI PUANG ALLAH TA'ALA...

Narekko mancaji ata'e, maga tanra2 na???

Salasewwang na Tanra na yanaritu: Nisseng ni pallaiseng Iga rangeng na, Iga to bali maraja na tuwo ri lebo'na lino mangolo lao ri ahera na.

إن الشيطان لكم عدو مبين

Mebberekkada ni puang Allah ta'ala makkeda: Na majeppu na Setang e masse ri ko tu mennang, iyyanaro bali mannessa-nessa mu..

Nasaba setang e Ri wettu purana Ri tella Laknatullah... Mallaui Ripattanjeng ri puang Allah Ta'ala tuo sipuppureng lino, pakatulu2i, pakalonto-lonto'i, pakabiling-piling'i, pakacai-cai'i, pabbeleng peleng i Anak eppo na Nabi Adam As, ri makkedanai ri akorang e:
فبما أغويتني،
Nassabari Nabi adam As, nakuritella pole ri idi puang LAPUSA ((TERSESAT)),
لأزينن لهم في الأرض،
De tekku pada bello2 i Anu majae maneng ro Matu ri Anak eppo na Rufataue matti ri lebo na fi linoe, bara takkalupai lao ri idi Puang!

ولأغوينهم أجمعين.
De tekku pada papusa maneng toi matu allalengeng na Bangsa rufa taue...

Rimakkeda nai iblis
لأزينن لهم#
Mabbettuang i makkeda Anu Mabello na Mabelo-belo  tu matu cara na makkuragaiki nato takkalupa, tappasala lao ri sese arajang na puang e, Jaji Majeppu na oni Mabello e mi ri alewe parellu maladde ri atike ki idi rufa taue...

Narekko anu manessa na maja, tau madongo tongeng mi ko melo jama2 i, alias tania na setang e paggurui tapi Ale rufa taunna mato pole nompo ri anu majae...

Iblis anu makanja mi tuli napengaruhi, natawarkan padahal haqiqi na makkasolang, napucai puang Allah ta'ala...

Jaji to mala kesimpulan, makkeda anu manyameng e ri nafessu ta parellu ri ampi, rikurangi, ri tahan dst... Nasaba akkoniro monro belo2 nataro jabba na iblis...

Narekko muaccoeri Pappaguru'na iblis, majeppu mancaji bali ki tu lao ri puang Allah ta'ala...

Appagurung Sala na  maloppo na iblis masse rikkeng idi rufataue Yanaritu, Nyameng'e...

Na Agi2 talliwe nyameng na natakkalupa pole pegai nyameng e, melo lai yaga nyameng e, Mappekogai rihadapi nyameng na tuwo ri lebo na lino, majeppu Engkani kotu tama ri Jabba mappakabiling-piling na Setang e...

Jaji atike' ki ri nyameng e, Tapakanjaki istang e narekko molaki nyameng ri atuwo-tuwong ta, Ingngerrang laloi sukkuruki pappentameng na puang Allah ta'ala nasaba ri petterru-terruna  alewe pogaui parenta na Puang Allah ta'ala, niniriwi pappesangkana...

Ata tongeng2 narekko simata engkai Passangkai asukkurukeng na lao ri puang Allah ta'ala, pattujui nyameng nawerrekki puang Allah ta'ala lao ri anu napurio e...

Na majeppu de'fa nasitinaja riaseng alewe ata'na puang Allah ta'ala narekko de nai palao riaseng e sukkuru ri pappenyameng napirasakang engki puang Allah ta'ala, na hakiki na nyameng e, PACCOBA MI SIMATA LAO RI TEPPE, TAU, NENNIA SIRITA LAO RI SESE ARAJANG NA PUANG SEWWA'E ((الله))...

Wallahu a'lam bisshawab.

Wassalam